Aholi salomatligini muhofaza qilish, yuqumli kasalliklar, ayniqsa, chivinlar orqali yuqadigan kasalliklarning oldini olish maqsadida Sanepidqo’mita Toshkent shahar boshqarmasi Mirobod tumani bo’limi tomonidan tizimli ravishda entomologik tekshiruv ishlari olib borilmoqda.
✅Xususan, «Qo’yliq» 2- mavzasida joylashgan ko‘p qavatli uylar yo‘laklarida entomologik kuzatuv ishlari tashkil etildi. Mazkur tadbirlar doirasida uy-joylarning umumiy foydalanishdagi hududlari, xususan, kirish qismlari, yerto‘lalari, zinapoyalar va boshqa entomologik xavf manbalari sinchiklab o‘rganildi.
🪰Tekshiruv davomida mutaxassislar tomonidan maxsus asbob-uskunalar yordamida chivin va boshqa qon so‘ruvchi hasharotlarning mavjudligi aniqlandi va laboratoriya tekshiruvi uchun maxsus probirkalar orqali chivinlardan namunalar olindi.
⚠️Ushbu namunalar laboratoriya sharoitida tahlil qilinib, chivinlarning turlari, ularning biologik xususiyatlari, shuningdek, kasallik tarqatish xavfi mavjudligi aniqlanadi. Bu esa aholining sanitariya-gigiyenik xavfsizligini ta’minlash va zarur choralarni belgilashda muhim ahamiyatga ega.
Sanepidqo’mita Toshkent shahar boshqarmasi
Mirobod tumani bo’limi